Сүүлийн жилүүдэд иргэд ногоон байгууламж, байгальтай ойр амьдрах бодит үр өгөөжийг ойлгож, түүнийг ашиглан амьдралын чанараа хэрхэн сайжруулахад анхаарч эхэлж байна.
Байгальтай ойр байх нь стрессийг багасгах, агаарын бохирдлыг бууруулахаас эхлээд хүний оюун санаа, бие бялдар, нийгмийн олон янзын ашиг тустай. Цэвэр агаарт гарснаар хүний эрч хүч, бүтээлч чадвар сэргэдэг бөгөөд эрүүл амьдрах, хөдөлмөр эрхлэх боломжийг бий болгодог. Жишээ нь：
Сэтгэлзүйд нөлөөлөх ашиг тус
Тархийг эмчилдэг
Байгальд ойр амьдарч, цэвэр агаараар амьсгалж, ногоон байгууламж бий болгож түүнийгээ арчлах зэрэг нь тархинд үүсээд байгаа уур уцаарыг үгүй болгодог. Тийм орчинд хүн өөр зүйлийг бодохгүйгээр тухайн нөхцөл байдалдаа анхаарал хандуулдаг нь нэг төрлийн эмчилгээ болж өгдөг.
Стрессийг бууруулдаг
Цэцэрлэгт хүрээлэн, модод, үзэсгэлэнт байгаль нь тайван байдлыг мэдрүүлснээр бидний өдөр тутмын амьдралын стрессийг бууруулдаг. Байгалийн үзэгдэлд анхаарлаа төвлөрүүлснээр сайн дурын анхаарлыг амрааж, хүний сэтгэл зүй эерэг энергиэр цэнэглэгддэг байна.
Бие махбодын ашиг тус
Эрүүл мэндийг дэмждэг
Дэлхий даяар явуулсан судалгаагаар хүний эрүүл мэндэд байгаль, ногоон байгууламж эерэгээр нөлөөлдөг болохыг нотолжээ. Хотоос хол цэвэр агаарт амьдрах нь хэт таргалалт, чихрийн шижин өвчний эсрэг тэмцдэг. Нидерландад хийсэн сүүлийн үеийн судалгаагаар ногоон байгууламж ихтэй оронд амьдардаг хүмүүсийн эрүүл мэнд сайжирч, нас баралтын түвшин буурч байгаа гэжээ. Түүнчлэн байгаль орчинтойгоо идэвхтэй харьцах нь даралт, түгшүүрийн түвшинг бууруулдаг байна.
Илүү хурдан эдгэрдэг
Техасын нэгэн эмнэлэгт сонирхолтой туршилт хийжээ. Ижил өвчинтэй, ижил эмчилгээ хийлгэж буй 2 өвчтөний нэгнийх нь өрөөний цонхоор тоосгон хана, харин нөгөөгийнх нь цонхоор навчит модод бүхий жижигхэн цэцэрлэгт хүрээлэн харагдахаар тооцжээ. Тэгтэл моддыг харах боломжтой өвчтөнүүдийн мэс заслын дараах хүндрэл бага, өвчин намдаах эм бага тунгаар ууж, байшингийн хана харж байсан өвчтөнүүдээс 8.5 хувиар богино хугацаанд эдгэжээ.
Нийгмийн ашиг тус
Гэмт хэргийн гаралтыг бууруулдаг
Ихэнх хүмүүс мод, ургамал ихтэй газарт нуугдах боломжтой учраас гэмт хэргийн гаралт харьцангуй их байдаг гэж боддог. Тийм ч учраас задгай талбайг аюулгүй, өтгөн ургамалтай газраас айдаг. Харин Чикагод хийсэн судалгаагаар мод ургамалтай газар нь гэмт хэргийн гаралтыг 2 дахин бууруулдаг гэсэн байна. Учир нь ногоон байгууламж нь сэтгэлзүйд эерэг нөлөө үзүүлж хүчирхийлэл үйлдэх нөхцөлийг бууруулдаг, ногоон байгууламжийн орчинд хүмүүс амрах, чөлөөт цагаа өнгөрөөхөөр ирж хүний хөл хөдөлгөөн ихтэй байдаг нь нөлөөлдөг байна.
Та бүхэн Богдхан уулын өвөрт, үзэсгэлэнт байгальд сүндэрлэх "Palm Springs resort and villa" хувийн орон сууцны хотхоны талаарх дэлгэрэнгүй мэдээллийг 77015000 утсаар авна уу.
